ესპანური გამოცემების ცნობით, 2022 წლის ზაფხულში კილიან მბაპესთვის კატალონიის „ბარსელონა“ სერიოზულ ბრძოლას გეგმავს.

ფრანგი სუპე რვარსკვლავი თავისუფალი აგენტის სტატუსით ისარგებლებს, „ბარსელონა“ კი მის უფასოდ დამატებას ეცდება, თუმცა ტრანსფერისთვის ერთჯერადად ძალიან მაღალ ბონუსს განუსაზღვარს.

კატალონიელთა პრეზიდენტის, ჟოან ლაპორტას გადაწყვეტილებით, მბაპე „ბლაუგრანას“ მთავარი პრიორიტეტი გახდება.

მადრიდში დარწმუნებულები არიან, რომ მბაპე „რეალს“ „ბარსელონაში“ არ გაცვლის, მაგრამ ფაქტია, რომ კატალონიელები ასპარეზზე გამოვიდნენ. ლაპორტა მბაპეს მესის სრულფასოვან შემცვლელად მიიჩნევს.