ცნობილი გახდა, რომ სამეფო კლუბის ბოსების სურვილია, ლეგენდარული ფერნანდო იეროს "რეალში" დაბრუნება.

წინასწარი ინფორმაციით, მადრიდელები უკვე აწარმოებენ მოლაპარაკებებს ფერნანდოსთან, რომელიც ამჟამად "ფურია როხას" სპორტული დირექტორია და გუნდთან ერთად სამხრეთ აფრიკაში იმყოფება.კონკრეტულად, იეროს მშობლიურ კლუბში დაბრუნება ემილიო ბუტრაგენიოს აქვს დავალებული (ესპანეთი-პორტუგალიის შეხვედრას, იერო და ემილიო ერთად უცქერდნენ ტრიბუნიდან).

სავარაუდოდ, "ბლანკოსის" ისტორიაში ერთ-ერთი საუკეთესო მცველი, სპორტულ დირექციაში დაიწყებს მუშაობას, ან საფეხბურთო აკადემიას ჩაიბარებს.კულუარებიდან გამოდის ხმები, რომ შესაძლოა ფერნანდო მოურინიოს დამხმარედაც ვიხილოთო.

მე კი შეგახსენებთ, რომ ფერნანდო იეროს მადრიდული კარიერი 2003 წელს დასრულდა.დიდებული კაპიტანი, ვისენტე დელ ბოსკესთან ერთად სკანდალურად წავიდა გუნდიდან.წასვლის ერთ-ერთ მიზეზად სახელდება ხელჩართული ჩხუბი ხორხე ვალდანოსთან.მიუხედავად ყველაფრისა, უარყოფითი აურის გამომწვევი მოვლენები უკვე წარსულს ჩაბარდა და იმედია, მადრიდისტების სიამაყე დაბრუნდება იქ, სადაც არის მისი ადგილი!