ფლორენტინო პერესმა საკუთარი ქმედებებით კილიან მბაპეს პატივისცემა დაუმტკიცა. ფრანგ ფეხბურთელს უყურადღებობა არ უგრძვნია. „პსჟ“-ს ლიდერმა იცის, რომ „რეალმა“ მისთვის ყველაფერი გააკეთა, თუმცა საბოლოოდ გარიგება მაინც ვერ შედგა.

ეს ყველაფერი ახალგაზრდა მოთამაშეს აძლევს იმის მოტივაციას, რომ მომდევნო თვეებში პარიზული გუნდის ზეწოლას გაუძლოს და „რეალთან“ მოლაპარაკებების წარმოება იანვრის თვიდან დაიწყოს.

ფეხბურთელი ნაწილობრივ იმედგაცრუებულია, ვინაიდან „პსჟ“ მას სხვა რამეს დაპირდა, თუმცა პირობა პირობად დარჩა.

მბაპე საფრანგეთის ნაკრებში ვარჯიშს განაგრძობს, შემდეგ კი პოჩეტინოს განკარგულებას დაუბრუნდება.

მადრიდისტები კი დარწმუნებულები არიან, რომ ლოტინი სამეფო კლუბის მაისურს 2022 წელს მოირგებს, ეს გარდაუვალია!