მაშ ასე, სატრანსფერო ფანჯარა დაიხურა. ზაფხულში ფლორენტინო პერესმა დავიდ ალაბასა და ედუარო კამავინგას დამატება შეძლო, წამსვლელთა სია კი საკმაოდ ფართოა. სამწუხაროდ, ყველაზე მტკივნეული სერხიო რამოსისა და რაფაელ ვარანის გამოკლება იყო.

მიუხედავად არნახული მცდელობებისა, ფორს-მაჟორული სიტუაციებისა და მოლაპარაკებების ინტენსივობისა, რომელსაც სპორტული პრესა აქტიურად აშუქებდა, „პსჟ“-მ კილიანის დატოვება მაინც შეძლო.

სულ რაღაც 10 თვეში ფრანგი ფეხბურთელი თავისუფალი აგენტის სტატუსს მიიღებს, მადრიდის „რეალი“ კი გააქტიურებას იანვარში გეგმავს, ვინაიდან ფრანგს მოლაპარაკებების ოფიციალური წარმოების შესაძლებლობა მიეცემა.

ჩვენ კი გადავერთოთ ახალ სეზონზე და საინტერესო მატჩებით დახუნძლულ კალენდარზე.