სექტემბრის თვეში მადრიდის „რეალს“ საკმაოდ მჭიდრო კალენდარი ექნება. მოგეხსენებათ, კლუბის ფეხბურთელები ახლა ნაკრებებში არიან განაწილებულები, საკლუბო ასპარეზს კი 12 სექტემბრიდან განაახლებენ...

12 სექტემბერს „ბლანკოსი“ მეტოქე „სელტა“ იქნება, აღსანიშნავია, რომ „მერენგები“ საკუთარ ბერნაბეუზე ითამაშებენ, რაც მრავალთვიანი პაუზის შემდეგ მოხდება.

15 სექტემბერს მადრიდული გრანდის ფეხბურთელები მილანს ეწვევიან და ადგილობრივ „ინტერთან“ გაარკვევენ ურთიერთობას. დაპირისპირება ჩემპიონთა ლიგის ჯგუფური ეტაპის პირველი ტურის ეგიდით გაიმართება.

18 ან 19 სექტემბერს „ბლანკოსს“ „მესტალიაზე“ ვიზიტი და „ვალენსიასთან“ ურთულესი დაპირისპირების გამართვა მოუწევს.

22 ან 23 სექტემბერს ანცელოტის გუნდი კვლავ „ბერნაბეუზე“ „მალიორკას“ უმასპინძლებს.

25-ში „მერენგების“ მეტოქე „ვილიარეალი“ იქნება. მატჩი ასევე მადრიდში, ბერნაბეუს გაიმართება.

თვის ბოლო დაპირისპირებას „ბლანკოსი“ ჩემპიონთა ლიგის დებიუტანტ „შერიფთან“ გამართავს. აღნიშნული პაექრობა 28 სექტემბერს არის ჩანიშნული.

როგორც ხედავთ, 18 დღიან შუალედში „ბლანკოსი“ 6 დაპირისპირებას გამართავს.