კაზემირომ „ბეტისთან“ დაპირისპირება შეაფასა და დანი კარვახალს ეფექტური გოლის გატანა მიულოცა.

„პირველი 10 წუთი კარგად დავიწყეთ, შემდეგ კი თამაშის კონტროლი „ბეტისმა“ შეძლო. მეორე ტაიმში „რეალმა“ სულ სხვა ფეხბურთი ითამაშა და გოლის გატანაც შეძლო. ჩვენ საკმაოდ რთული მეტოქის წინააღმდეგ მოვიგეთ გასვლითი დაპირისპირება.“

„ბენზემა შესანიშნავი იყო, ის მთელი მატჩის მანძილზე ცდილობდა მეტოქეის კარის აღებას. რაც შეეხება კარვახალს, მისი გოლი მეტისმეტად ეფეექტური გამოდგა. ვულოცავ ესპანელს.“

„ჩვენ მუშაობა უნდა გავაგრძელოთ. ეს გზა აუცილებლად მიგვიყვანს ტიტულამდე. მადრიდის „რეალი“ ტურიდან ტურამდე პროგრესირებს და ღრმად მწამს, რომ სულ ცოტა ხანში კიდევ უფრო კარგ ფეხბურთს შევთავაზებთ მაყურებელს.“

„მბაპეზე საუბარს არ ვაპირებ, რასაც ერთი მიზეზი აქვს, ის „რეალის“ ფეხბურთელი არ არის. მე შემიძლია კილიანის დონეზე და პერსპექტივაზე ზოგადად ვისაუბრო, მაგრამ ახლა ამის დროს ნამდვილად ვერ ვხედავ.“