ტურინის „იუვენტუსის“ ხელმძღვანელს, ანდრეა ანიელის ფლორენტინო პერესთან შესანიშნავი ურთიერთობის იმედი აქვს და კილიან მბაპეს ირგვლივ განვითარებულ მოვლენებს აქტიურად აკვირდება.

იმ შემთხვევაში, თუ „ბლანკოსი“ ოცნებას აისრულებს და მბაპეს მადრიდისტას გახდის, „იუვენტუსი“ სამეფო კლუბს ოფიციალური წინადადებით მიმართავს და ედენ აზარის დამატებას შეეცდება.

ანიელიმ კარგად იცის, რომ მბაპეს ყიდვის გარეშე, აზარის გაშვებაზე საუბარი ზედმეტია, ამიტომ ჯერ-ჯერობით მეტი აქტიურობისგან თავს იკავებს.

ანდრეა და ფლორენტინო სუპერლიგის პროექტმა განსაკუთრებით დაახლოვა. სწორედ ანიელი გახლდათ ის ადამიანი, რომელიც პერესს განსაკუთრებულ მხარდაჭერას უცხადებდა და ბოლომდე მისი ერთგული დარჩა. „ბებერი ქალბატონი“ სუპერლიგის პროექტს დღემდე ენდობა.