ალვარო ოდრიოზოლამ ესპანეთის დედაქალაქი დატოვა და ფლორენციაში ჩაფრინდა. როგორც მოსალოდნელი იყო, ესპანელი განაპირა მცველი „მერენგებს“ დაემშვიდობა.

წამყვანი ესპანური გამოცემების ცნობით, ოდრიოზოლა 1 წლიანი იჯარის წესით „ფიორენტინას“ შეუერთდება და სამეფო კლუბში 2022 წლის ზაფხულში დაბრუნდება. ასევე შეთანხმებაში დევს პუნქტი, რომლის მიხედვითაც, იტალიურ მხარეს ფეხბურთელის გამოსყიდვის საშუალება ექნება, მაგრამ კონკრეტული თანხა განსაზღვრული არ არის და მხარეებს მსჯელობა მოუწევთ.

„ფიორენტინა“ ტრანსფერს ოფიციალურად მას შემდეგ დაადასტურებს, რაც ალვაროს სამედიცინო დასკვნის შედეგები ნორმის შესაბამისად შეფასდება.