As-ის ინფორმაციით, „ევერტონის“ წინახაზელმა, რიჩარლისონმა „პსჟ“-ს შეთავაზება უკვე მიიღო.

იმ ფონზე, რომ ამ ფორმაციის „პსჟ“-ს წინა ხაზში დი მარია, მესი, ნეიმარი, იკარდი, მბაპე და კიდევ რამდენიმე მოთამაშე ჰყავს, რიჩარლისონის საჭიროება ნამდვილად არ არსებობს, მაგრამ პარიზელები უკვე ხვდებიან, რომ მბაპე მიდის, სწორედ ამიტომ ლივერპულური კლუბის წინახაზელზე ფიქრობენ.

რიჩარლისონის „რეკომენდატორი“ ნეიმარი გახლავთ. ფეხბურთელებს ერთმანეთთან შესანიშნავი ურთიერთობა აქვთ.

AS-ის ცნობით, „პსჟ“-ს ბრაზილიელთან საკითხი მოგვარებული აქვს და მბაპეს წასვლას ელოდება. კილიანი მადრიდთან ისე ახლოს არის, როგორც არასდროს.