კარლო ანჩელოტი ვინისიუს ჟუნიორთან ინტენსიურად მუშაობს. იტალიელი სპეციალისტი თვლის, რომ ვინის თვითდაჯერება აკლია, სხვა შემთხვევაში კიდევ უფრო ძლიერი მოთამაშე გახდება.

კარლიტო ცდილობს, რომ ჟუნიორი საკუთარ შესაძლებლობებში დაარწმუნოს. ახალგაზრდა შემტევი ძალიან დიდ ყურადღებას უთმობს კარში დარტყმების კომპონენტს და ყოველგვარი კომპლექსის მოხსნა აქვს მიზნად დასახული.

ანჩელოტი მსოფლიოს მოქმედ მწვრთნელთა შორის ერთ-ერთი ყველაზე გამოცდილი სპეციალისტია, მის ხელში არაერთ ტოპ ვარსკვლავს გაუვლია, რამაც იტალიელ სპეციალისტს ფსიქოლოგიური თვალსაზრისითაც დიდი გამოცდილება მისცა.

კარლო მუშაობს ჟუნიორის ფსიქოლოგიაზე, ფიზიკაზე და ასე შემდეგ. ანჩელოტის სურს, რომ ვინისიუს თვიდან თვემდე გაძლიერდეს და გაცილებით ანგარიშგასაწევი ძალა გახდეს.

ციფრებიც ჯიუტია. ლა ლიგის 2 ტურის შემდეგ, ვინისიუსი ლა ლიგის საუკეთესო ბომბარდია, ის 3 გატანილ გოლს მოითვლის, თანაც ისე, რომ მოედანზე არც ისე დიდი დრო აქვს გატარებული.