ესპანური გამოცემების უცნობ დეტალზე წერენ, რომლის მიხედვითაც, ივნისის თვეში სერხიო რამოსმა კარლო ანჩელოტის დაურეკა და ფლორენტინო პერესთან შუამავლობა სთხოვა.

მას შემდეგ, რაც ლეგენდის წარმომადგენლებს აცნობეს, რომ „ბლანკოსი“ ახალი კონტრაქტის საკითხს აღარ განიხილავს და შეთავაზება ძალაში აღარ არის, რამოსმა კარლო ანჩელოტის თავად დაურეკა და ფლორენტინო პერესთან შუამავლის სტატუსის მორგება სთხოვა.

როგორც სჩანს, პერესმა იტალიელის თხოვნაც არ გაითვალისწინა და რამოსი „თამაშგარეში“ დატოვა.

ესპანური გამოცემები აქტიურად მიუთითებენ, რომ იმ პერიოდში ფლორენტინო რამოსზე ძალიან გაბრაზებული იყო, ვინაიდან ესპანელი ფეხბურთელი „ბლანკოსის“ 1 წლიან შეთავაზებებს წერილობით პასუხსაც არ აძლევდა.