ჰარი კეინის მომავალი ჯერ კიდევ გაურკვეველია, თუმცა ინგლისში დარწმუნებულები არიან, საბოლოო ჯამში ფორვარდი თავს „სიტიში“ ამოყოფს. მანჩესტერული გუნდი „ტოტენჰემს“ 175 მილიონ ევროს სთავაზობს.

ბრიტანული გამოცემების ცნობით, ლონდონელები ლუკა იოვიჩს დაუკავშირდნენ. „ტოტენჰემმა“ ინტერესი გამოთქვა და რამდენიმე ვარიანტს განიხილავს.

პრემიერლიგის წარმომადგენლებს სერბ ფეხბურთელთან 1 წლიანი იჯარის ხელშეკრულების გაფორმება სურთ, სადაც გათვალისწინებული იქნება გამოსყიდვის უფლება.

ჯერ-ჯერობით უცნობია თანხები, რაზეც მხარეები იმსჯელებენ, თუმცა ფაქტია, რომ ლუკას „ინტერთან“ ერთად კიდევ ერთი მსურველი ჰყავს „ტოტენჰემის“ სახით და მისი მადრიდიდან აბარგების შანსები იზრდება.