კარლო ანჩელოტის პოლ პოგბას უფასოდ დამატების პერსპექტივა ძალიან ხიბლავს. Sky Sports-ის ინფორმაციით, ფრანგს მადრიდულ გრანდთან კომუნიკაცია უკვე ჰქონდა და საკუთარი გადაწყვეტილებაც გააცნო.

ანჩელოტი მიიჩნევს, რომ „ბლანკოსი“ 2022 წლის ზაფხულში პოგბას სახით ექსტრა კლასის ფეხბურთელს დაიმატებს და ეს სერიოზულად გაზრდის გუნდის რესურსს.

მიუხედავად იმისა, რომ კარლოს გუნდში არაერთი ტოპ ვარსკვლავი ირიცხება ნახევარდაცვის რგოლში, ის პოგბას მაინც ძალიან საჭირო მოთამაშედ მიიჩნევს.

Defensacentral-ის ცნობით, მადრიდელები პოლს ლუკა მოდრიჩის შემცვლელად განიხილავენ, რომელიც 9 სექტემბერს 36 წლის გახდება, ხოლო მომდევნო სეზონის სტარტზე 37 წელი შეუსრულდება.