ტომას რონსეროს აზრით, კილიან მბაპეს ტრანსფერის ჩაშლის შემთხვევაში, „რეალისთვის“ რონალდუს დაბრუნება იდეალური ვარიანტი იქნებოდა, თუმცა როგორც სჩანს, სამეფო კლუბში სხვაგვარად ფიქრობენ.

„მბაპეზე ზეწოლა ძლიერდება, მაგრამ ფეხბურთელი პოზიციას არ ცვლის. ალბათ მსოფლიოში არცერთმა ადამიანმა არ იცის, დარჩება თუ არა კილიანი პარიზში.“

„რონალდუს „რეალში“ დაბრუნება იდეალური ვარიანტი იქნებოდა. ჩემს მეგობარს მადრიდის აეროპორტში წითელი ხალიჩით დავხვდებოდი. ბოდიშით, არა წითელით, არამედ თეთრით, ვინაიდან პორტუგალიელს ეს ფერი და ეს სულისკვეთება ძალიან უყვარს.“

„ალ ჰელაიფი ჩაკეტილობას ირჩევს, მისთვის მთავარი ფული არ არის, თუმცა კილიანის მადრიდში გადასვლა მაინც რეალურია.“