გერმანული გამოცემების ცნობით, ლეონ გორეტსკასა და მიუნხენის „ბაიერნის“ მოლაპარაკებები ისევ ჩაიშალა და ეს სავარაუდოდ ბოლო მცდებლობა იყო.

„რეკორდმაისტერი“ არ ემორჩილება კონკრეტული ფეხბურთელების სახელფასო მოთხოვნებს და მოუწოდებს მათ, რომ დათმობებზე წავიდნენ.

„ბაიერნის“ პრეზიდენტმა საჯაროდ თქვა, რომ მოთამაშეებმა „რეკორდმაისტერს“ პატივი უნდა სცენ და კოლოსალური ხელფასები არ მოითხოვონ.

გორეტსკასთან მოლაპარაკებების ჩაშლა კიდევ ერთი დასტურია იმისა, რომ გერმანელი 2022 წელს გუნდს თავისუფალი აგენტის სტატუსით დატოვებს.

მადრიდის „რეალი“ არსებულ სიტუაციას ყურადღებით აკვირდება და მზად არის, ლეონის უფასოდ დამატების შემთხვევაში, სახელფასო მოთხოვნები დააკმაყოფილოს.