კონტრაქტის გაფორმების შემდეგ ტიბო კურტუამ „რეალის“ ოფიციალურ ვებ-გვერდს ინტერვიუ მისცა და სამომავლო გეგმებზე ისაუბრა.

„ძალიან ბედნიერი ვარ. მსოფლიოს საუკეთესო კლუბთან ხელშეკრულება კიდევ 5 წლით გავახანგრძლივე. ეს იმ შრომის შედეგია, რომელსაც წლების მანძილზე ვწევდი. მიხარია, რომ „ბლანკოსმა“ დამაფასა და უფრო გრძელვადიანი თანამშრომლობა შემომთავაზა.“

„„რეალში“ ყოველთვის მაღალი სტანდარტებია. აქ ყოველთვის მაქსიმუმს ითხოვენ. ყველა ვარჯშზე ბოლომდე ვიხარჯები და ვცდილობ, რომ ცხოვრების სწორი წესით ვიცხოვრო, რათა სათანადო ფორმაში ვიყო და მოწოდების სიმაღლეზე ვიდგე.“

„როდესაც სამეფო კლუბში თამაშის, როგორც ფეხბურთელი ძალიან იზრდება. ვისწავლე ზეწოლის მართვა და ემოციების მოთოკვა. აქ ძალიან დიდი ფსიქოლოგიური წნეხია, თუმცა თუ პროფესიონალი ხარ, ყველაფერს გაუძლებს.“

„ კარანტინის შემდეგ დავბრუნდით და ზედიზედ 10 მატჩი მოვიგეთ, ეს იყო დაუვიწყარი სერია ჩემ კარიერაში. უკვე წელიწადზე მეტი გავიდა, მაგრამ ვერ ვივიწყებ იმ საოცარ მომენტებს. მაშინ ლა ლიგა მოვიგეთ და საკმაოდ სტაბილური გამოსვლა გვქონდა.“

„ანჩელოტის მეკარეებთან განსხვავებული მიდგომები აქვს, იტალიელი სპეციალისტი კარის დარაჯების მხრიდან მეტ ჩართულობას მოითხოვს. ვფიქრობ, მასთან მუშაობა საინტერესო იქნება და ერთად დიდ წარმატებებს მივაღწევთ.“

„არ მაინტერესებს, ვარ თუ არა მსოფლიოს საუკეთესო მეკარე. ჩემთვის მთავარი ყოველთვის გუნდური ინტერესები იყო. წარმატებას ინდივიდები არ აღწევენ, ფეხბურთელი ხომ კოლექტიური სპორტია, სადაც გასამარჯვებლად ერთიანი ძალისხმევაა საჭირო. მე ვმუშაობ ძალიან ბევრს იმისათვის, თანაგუნდელებისთვის გამოსადეგი და საიმედო პარტნიორი ვიყო.“

„ლა ლიგის კარგად დაწყება მნიშვნელოვანი იყო. „ალავესთან“ გასვლითი დაპირისპირება დამაჯერებლად მოვიგეთ, წინ კი „ლევანტე“ და „ბეტისია“. კიდევ 2 გასვლითი მატჩის ჩატარება მოგვიწევს, შემდეგ კი „ბერნაბეუზე“ დავბრუნდებით, ამ მომენტს მოუთმენლად ველი.“

„ქომაგების ფაქტორი ძალიან მნიშვნელოვანია. მჯერა, რომ ბერნაბეუზე შეკრებილი გულშემატკივრები დიდი ოვაციებით შეგვამკობენ. უკვე წელიწადზე მეტია მათი თანდასწრებით არ გვითამაშია. ფეხბურთში მხარდაჭერას ყოველთვის დიდი მნიშვნელობა აქვს.“

„ახალ სეზონში მადრიდული გრანდი აბსოლუტურად ყველა ტიტულის მოგებისთვის იბრძოლებს. ეს არის წესი, რომელიც „რეალში“ უკვე დიდი ხანია დამკვიდრდა. როდესაც სამეფო კლუბის ღირსებას იცავ, აუცილებელია, რომ მაქსიმალურ შედეგებზე იფიქრო. ყველა ფეხბურთელი მობილიზებულია და ტიტულების მოგება სურს. ჩვენ ახალი მწვრთნელი გვყავს, ახალი იდეებით და ხედვით, რომელიც აუცილებლად იქნება წარმატების მომტანი.“