Defensacentral-ის ინფორმაციით, მადრიდის „რეალი“ კილიან მბაპეს მაისურების გაყიდვით რეკორდის დამყარებას გეგმავს.

უკვე ცნობილია, რომ ლეო მესის „პსჟ“-ში გადასვლის შემდეგ, მისი მაისურების გაყიდვამ 24 საათში რეკორდული რაოდენობა შეადგინა.

Defensacentral-ის ინფორმაციით, მადრიდში დარწმუნებულები არიან, რომ მბაპეს გამადრიდელების შემთხვევაში, მისი მაისურების გაყიდვა ყოველგვარ რეკორდს მოხსნის.

„ბლანკოსის“ მიზანი 24 საათში 1 მილიონი მაისურის გაყიდვა იქნება.

დაუდასტურებელი ინფორმაციით, „ბლანკოსში“ შესაბამის დირექტივას ელოდებიან და მაისურების დამზადებაც დაიწყება.

ცნობისთვის, კრიშტიანო რონალდუს „იუვენტუსში“ გადასვლის შემდეგ, „ბებერმა ქალბატონმა“ პორტუგალიელის 520 000 მაისური 24 საათში გაყიდა, ლეო მესის მაისურები კი პარიზში 24 საათის განმავლობაში 832 000 ერთეული გაიყიდა.