ნაჩომ „ალავესს“ საკმაოდ ეფექტური გოლი გაუტანა და გუნდის წარმატებაში მნიშვნელოვანი წვლილი შეიტანა.

„მნიშვნელოვანია, რომ ტურნირი კარგად დავიწყეთ. აქტივში 3 ქულა ჩავიწერეთ და ყველაფერი გავაკეთეთ გასამარჯვებლად. პირველ ტაიმში მეტოქეს ვჯობდით, მაგრამ მეორე ნახევარში სრული უპირატესობა მოვიპოვეთ, რაც ტაბლოზეც შესაბამისად აისახა.“

„გოლი მხოლოდ ჩემი დამსახურება არ არის, ეს იყო კოლექტიური გოლი და საკმაოდ ეფექტური მომენტი. დიახ, ჩვენ გავიმარჯვეთ, თუმცა წინ დიდი ბრძოლა გველის და არ უნდა მოვდუნდეთ.“

„საკუთარი კონდიციით კმაყოფილი ვარ. ყველა სეზონში მიწევს ბრძოლა სათამაშო წუთების მოსაპოვებლად, რაც უფრო მობილიზებულს და შემართულს მხდის.“

„გასული წელი ჩემთვის ძალიან მნიშვნელოვანი იყო. ვფიქრობ, ამ სეზონში გუნდს ბევრჯერ დავეხმარები.“

„ალაბა გრანდიოზული ფეხბურთელია, მისი ტექნიკური არსენალი ამოუწურავი გახლავთ. დავიდი ეფექტურია, როგორც დაცვაში, ასევე წინა ხაზში.“

„ხოსელუ ჩემი დიდი მეგობარია. ის, რაც მოედანზე ხდება, იქვე რჩება. ჩვენ მრავალწლიანი ურთიერთობა გვაკავშირებს.“