2018 წლიდან მოყოლებული, ტიბო კურტუა მადრიდის „რეალის“ შეუცვლელი მეკარეა. ბელგიელმა კიპერმა მხოლოდ ლა ლიგაში უკვე 100 დაპირისპირებას მოუყარა თავი და „ალავესთან“ მატჩის შემდეგ ფლორენტინო პერესისგან სამახსოვრო საჩუქარიც მიიღო.

100 მატჩიდან 64-ში კურტუამ მოედანი გამარჯვებულის რანგში დატოვა.

ლა ლიგის შარშანდელ სეზონში ბელგიელმა მეკარემ შიდა ჩემპიონატის ყველა მატჩში მიიღო მონაწილეობა.

ასევე უნდა აღინიშნოს, რომ ბელგიელი „ზამორას“ ჯილდოსაც ფლობს, რომელიც მან 2019/20 წლების სეზონში მოიგო.