ესპანური გამოცემების ცნობით, მადრიდის „რეალმა“ ტაკეფუსა კუბოს უთხრა, რომ მომდევნო სეზონი მისთვის ბოლო იჯარა იქნება და 2022/23 წლების სეზონიდან ის მადრიდში დაბრუნდება.

დროა, იაპონელ ფეხბურთელს შანსი მიეცეს, ამისათვის კი მომდევნო სეზონი „მალიორკაში“ უმაღლეს დონეზე უნდა ჩაატაროს.

„წითლების“ ხელმძღვანელობა „რეალს“ დაპირდა, რომ შეთანხმების შემთხვევაში, ტაკე „მალიორკას“ ძირითადი შემადგენლობის ფეხბურთელი იქნებოდა.

ახალგაზრდა შემტევი მაქსიმალურ დროს მიიღებს და შესაძლებლობების დამტკიცებას შეეცდება, რათა ანჩელოტის გული მოიგოს.

2022 წლის ზაფხულში კუბო უკვე 21 წლის იქნება და ეს უკვე ნამდვილად არის ის ასაკი, რომლიდანაც მან სერიოზული ნაბიჯების გადადგმა უნდა დაიწყოს.