კარლო ანჩელოტის განცხადებით, მესის „პსჟ“-ში გადასვლა ლა ლიგისთვის კარგი არ არის, თუმცა არგენტინელი საფრანგეთში გაიბრწყინებს.

„მე ვმუშაობდი „პსჟ“-ში და ვიცი, რამხელა მისწრაფებები აქვს ამ გუნდს. ადრე თუ გვიან პარიზელები აუცილებლად შეძლებდნენ არნახული რესურსის შექმნას.“

„ფაქტია, რომ საფრანგეთის დედაქალაქისკენ ბევრმა ვარსკვლავმა აიღო გეზი. პოჩეტინოს გუნდისთვის საფრანგეთის ჩემპიონატის მოგება არანაირი პრობლემა არ იქნება, თუმცა მათი მიზანი როგორც ყოველთვის ჩემპიონთა ლიგაზე წარმატების მიღწევა იქნება.“

„კარგად ვიცნობ საფრანგეთის ჩემპიონატის სპეციფიკას და ვთვლი, რომ მესი იქ გაიბრწყინებს.“