ფლორენტინო პერესი ხვდება, რომ კილიან მბაპეს დამატებასთან ძალიან ახლოს არის, ამიტომ სერიოზულ მუშაობას შეუდგა. ფრანგის ტრანსფერის შემთხვევაში „ბლანკოსი“ კიდევ რამდენიმე ფეხბურთელს გაყიდის...

ესპანური გამოცემების ცნობით, „რეალიდან“ 5 ფეხბურთელის წასვლა იგეგმება. ესენი არიან: მარიანო დიასი, ლუკა იოვიჩი, ისკო ალარკონი, დანი სებალიოსი და ტაკეფუსა კუბო (იჯარით).

ფლორენტინოს აზრით, მბაპეს ტრანსფერი თავდასხმაში ყველა პრობლემას მოაგვარებს და გუნდს წინა ხაზში არც მარიანო დასჭირდება და არც იოვიჩი. ორივე მოთამაშის სანაცვლოდ გუნდს 55 მილიონზე მეტის მიღება სურს.~

რაც შეეხებათ ისკოს და სებალიოსს. ალარკონი კარიერას დიდი ალბათობით „მილანში“ განაგრძობს და მისი ფასი 20 მილიონი ევრო იქნება, ხოლო სებალიოსთან დაკავშირებით საქმე შედარებით რთულად არის, თუმცა ცნობილია, რომ პერესი ნახევარდაცვაში ბლანკოს დაწინაურებას ემხრობა და სებას ნდობას არ უცხადებს.

ტაკეფუსა კუბო კარიერას „სოსიედადში“ ან „მალიორკაში“ განაგრძობს, იაპონელთან დაკავშირებით ოფიციალური პოზიცია მალე იქნება ცნობილი.