ესპანური გამოცემები დარწმუნებით იუწყებიან, რომ ლეო მესის მომდევნო ნავსაყუდელი „პსჟ“ იქნება. საფრანგეთში არგენტინელი ფეხბურთელის სამედიცინო შემოწმებისთვის ემზადებიან...

ამის პარარელურად ცნობილი ხდება, რომ ალ ჰელაიფს 180 მილიონ ევროიანი შემოსავალი სჭირდება იმისათვის, რომ ბალანსი დაიცვას და ლეოს კოლოსალური ხელფასი დაუნიშნოს.

პარიზში ნამდვილი ვარსკვლავთცვენაა, მაგრამ კილიან მბაპე საფრანგეთიდან მადრიდში მიემგზავრება. პარიზელთა ქომაგები გუნდს მბაპეს გაშვებას მხოლოდ იმ შემთხვევაში აპატიებენ, თუ მესი „პსჟ“-ს მოთამაშე გახდება და ეს ამბავი ფაქტობრივად გადაწყვეტილიც არის.

ფლორენტინო პერესი ყველაფრისთვის მზად არის. როგორც კი მესი „პსჟ“-ში გადავა, „რეალის“ დელეგაცია პარიზში გაემგზავრება და იქედან მბაპეს წამოიყვანს.