მადრიდის „რეალი“ „დორტმუნდთან“ ამ ზაფხულს არანაირი მოლაპარაკებების წარმოებას აღარ გეგმავს. ფლორენტინო პერესი ერლინგ ჰოლანდთან დაკავშირებით კონსულტაციების გამართვას 2022 წლის იანვრიდან დაიწყებს...

„ბლანკოსის“ მიზანი ერლინგის გამადრიდელება 2022 წლის ზაფხულშია. იმ მომენტისთვის, სამეფო კლუბს ფორვარდის დამატების საშუალება 75 მილიონ ევროდ ექნება. ამ ციფრს BVB-სა და წინახაზელის კონტრაქტი ითვალისწინებს.

მიუხედავად იმისა, რომ „ჩელსი“ ერლინგის სანაცვლოდ 100 მილიონ ევროზე მეტს იხდის, გერმანული კლუბი მის დათმობას არ აპირებს და არც ნორვეგიელის სურვილია პრემიერლიგაში გადასვლა.