ბრიტანული Daily Express-ის ინფორმაციით, ლონდონის „არსენალი“ მარტინ ოდეგორისთვის 5 წლიან კონტრაქტს ამზადებს...

მიკელ არტეტას ნორვეგიელი ნახევარმცველი ძალიან მოსწონს და ყველაფერს გაიღებს ფეხბურთელის დასამატებლად.

თავის მხრივ, „მეთოფეებმა“ იციან, რომ სასურველი წინადადების მიღების შემთხვევაში, ფლორენტინო პერესი ახალგაზრდა ნახევარმცველს გუნდიდან გაუშვებს.

Daily Express-ის ცნობით, ახლა ყველაფერი „არსენალზე“ იქნება დამოკიდებული. თუ „დედაქალაქელები“ საინტერესო წინადადებას მოამზადებენ, მარტინის ტრანსფერი რეალურია.