10 წლის წინ, 2011 წელს მადრიდის „რეალმა“ ზინედინ ზიდანის ძალისხმევით ბრძოლა სწორედ მანჩესტერ „იუნაიტედს“ მოუგო და რაფაელ ვარანმა არა პრემიერლიგას, არამედ ლა ლიგას მიაშურა.

დღეს უკვე ოფიციალურად დადასტურებული ინფორმაცია ვიცით, რომლის მიხედვითაც ვარანი მანჩესტერულ კლუბს შეუერთდა.

2021 წლამდე რაფას მომავალი ერთხელ სერიოზული კითხვისნიშნისქვეშ დადგა, როდესაც ვარანს ისევ მანჩესტერული გრანდი ეპატიჟებოდა. ეს მოვლენები 2018 წლის ზაფხულში ვითარდებოდა, თუმცა საბოლოო ჯამში ფრანგმა ფეხბურთელმა მადრიდში დარჩენა ამჯობინა.

როგორც სჩანს, რაფასა და „წითლებს“ შორის გარკვეული კავშირი ყოველთვის არსებობდა და საბოლოო ჯამში მან სწორედ „ოლდ ტრაფორდის“ მკვიდრების რიგებში გადასვლა ამჯობინა.