რაფაელ ვარანმა მანჩესტერ „იუნაიტედში“ ოფიციალურად გადასვლის შემდეგ კომენტარი გააკეთა...

„„რეალიდან“ წასვლა ჩემთვის ემოციურია. 10 წლის განმავლობაში ვთამაშობდი კლუბში, რომელსაც უდიდესი ტრადიცია და ისტორია აქვს. სამეფო კლუბმა მაქცია ფეხბურთელად, რომელიც არასდროს ნებდება და მუდმივად მაქსიმუმისთვის იბრძვის.“

„2011-იდან 2021 წლამდე ყოველთვის ბოლომდე ვიხარჯებოდი კლუბის წარმატებისთვის, ახლა კი ამ გუნდის დიდ გულშემატკივრად დავრჩები.“

„დიდ მადლობას ვუხდი ყველა ადამიანს, რომელიც ჩემთან ერთად ამ წლების განმავლობაში მუშაობდა. „რეალში“ ბევრ მეგობარს ვტოვებ.“

„მჭირდებოდა ახალი გამოწვევა და გუნდს მხოლოდ ამ მიზეზით ვტოვებ. ჩემთვის პრემიერლიგა მიმზიდველია და ვთვლი, რომ სწორი გადაწყვეტილება მივიღე.“

„დიდ მადლობას ვუხდი კლუბის ხელმძღვანელობას, რომელმაც ჩემი პოზიცია გაიზიარა.“