რაფაელ ვარანმა მადრიდის „რეალთან“ ერთად არ ივარჯიშა, რაც კიდევ ერთი მანიშნებელია იმისა, რომ ფრანგი ფეხბურთელი კლუბს ტოვებს.

ესპანური გამოცემების ცნობით, მანჩესტერ „იუნაიტედი“ ტრანსფერის ოფიციალურად გამოსაცხადებლად ემზადება და რაფას „ბლანკოსში“ დარჩენის შანსი აღარ არსებობს.

ფრანგი ფეხბურთელი საწვრთნელ ბაზაზე საერთოდ არ გამოჩენილა.

ამ ეტაპზე მიზეზი უცნობია, თუმცა ეჭვი არავის ეპარება, რომ ეს „წითლებთან“ შეთანხმებას უკავშირდება.