ექსპერტ-ანალიტიკოსმა, მარკო რუისმა მარტინ ოდეგორის ირგვლივ განვითარებულ მოვლენებზე ისაუბრა და განაცხადა, რომ ნორვეგიელი ფეხბურთელი „ბლანკოსის“ სქემაში ვერ ჯდება.

„კარლო ანჩელოტი არასდროს ღალატობს 4-3-3 სქემას, ეს სისტემა კი ოდეგორისთვის აბსოლუტურად მიუღებელია. ნორვეგიელი ფეხბურთელი ტიპიური „10“-იანია და სულ სხვა სტილში თამაშობს.“

„ავიღოთ ისკოს მაგალითი, რომელიც ვერც ანჩელოტის, ვერც ბენიტესის, ვერც ზიდანის და ვერც სოლარის სისტემაში ვერ ჯდებოდა. ისკოც ტიპიური გამთამაშებელია და საუკეთესო თვისებების გამოსავლენად გუნდის სხვა სქემა სჭირდება.“

„რეალობას არ არის მოკლებული ის ჭორები, რომელიც მარტინის „მერენგების“ რიგებიდან წასვლას უკავშირდება. ოდეგორს სჭირდება განვითარება და ის ამას „რეალში“ ვერ ახერხებს.“