რაფაელ ვარანის პრემიერლიგაში გადასვლა გადაწყვეტილია, მადრიდის „რეალი“ კი სხვა ფეხბურთელის დამატებას არ აპირებს და ფრანგის შეცვლას ადგილობრივი რესურსით ეცდება.

ესპანური წამყვანი გამოცემები დარწმუნებით იუწყებიან, რომ მადრიდის „რეალის“ დაცვის ცენტრი მომდევნო სეზონში შემდეგი ოთხეულით იქნება დაკომპლექტებული - ედერ მილიტაო, დავიდ ალაბა, ნაჩო ფერნანდესი და ვიქტორ ჩუსტი. ეს უკანასკნელი მთავარ გუნდში დაწინაურდება და შესაძლებლობების დამტკიცებას ეცდება.

ჩუსტის გარჯით ანჩელოტი ძალიან კმაყოფილია და თვლის, რომ 2000 წელს დაბადებულ ფეხბურთელს ნამდვილად დიდი პერსპექტივა აქვს.

იმ ფონზე, რომ „ბლანკოსი“ არც ჯორჯო კიელინის იმატებს და არც ჯულს კუნდეს, საუკეთესო ვარიანტი ჩუსტი იქნება.