ლონდონის „არსენალი“ მარტინ ოდეგორთან დაკავშირებით ოფიციალურ წინადადებას ამზადებს. 2 კვირის წინ „მეთოფეებმა“ ნორვეგიელი ფეხბურთელის 1 წლიანი იჯარით აყვანის სურვილი გამოთქვეს, მაგრამ კატეგორიული უარი მიიღეს, ახლა კი ყიდვის პერსპექტივას განიხილავენ...

„არსენალს“ ოდეგორი ძალიან მოსწონს. ნორვეგიელმა გასული სეზონის 6 თვე სწორედ ლონდონში გაატარა და საკმაოდ კარგი შთაბეჭდილება დატოვა.

ვრცელდება ინფორმაცია, რომლის მიხედვითაც, ნახევარმცველის სანაცვლოდ ლონდონელები 35 მილიონის გადახდას გეგმავენ, თუმცა ფლორენტინო პერესს ფეხბურთელის სანაცვლოდ მინიმუმ 50 მილიონის მიღება აქვს დაგეგმილი.

ბრიტანული გამოცემების ცნობით, მომდევნო 2 კვირაში მარტინთან დაკავშირებით საბოლოო გადაწყვეტილება იქნება მიღებული.