დიდი ხნის შესვენების შემდეგ პეპემ სრულად მოირჩინა ტრავმა და ბრაზილიასთან მატჩი ძირითად შემადგენლობაში დაიწყო, მან მოედანზე 64 წუთზე დაჰყო, რაც მისთვის სასიხარულო ფაქტი იყო, თუმცა მისთვის კიდევ უფრო სასიხარულო ის ამბავი უნდ აღმოჩნდეს, რომ მისმა აგენტმა ჟორჟე მენდეშმა დაიწყო მოლპარაკება სამეფო კლუბთან, პორტუგალიელისათვის კონტრაქტის გახანგრძლივების თაობაზე.

ვალდანომ ამ საკითზე მუშაობა ჯერ კიდევ 2009 წლის ოქტომბერში დაიწყო, თუმცა ტრავმის გამო მოლაპარაკებები შეწყდა. ახლა კი როდესაც პეპე სრულიად გამოჯანმრთელდა, კვლავ დაიწყო საუბარი კონტრაქტის გახანგრძლივებასთან დაკავშირებით.

მადრიდის რეალის მესამე ნომერს კონტრაქტი სამეფო კლუბთან 2012 წლამდე აკავშირებს და ის წელიწადში 1.8 მილიონ ევროს იღებს. პეპეს აგენტის განცხადებით ეს თანხა პორტუგალიელის კლასის მცველისთვის ძალიან ცოტაა და მენდეში წელიწადში 5 მილიონს ითხოვს. სამეფო კლუბი კი მზად არის პეპეს წელიწადში 2.8 მილიონი ევრო გადაუხადოს. სავარაუდოდ პეპე რეალთან კონტრაქტს 2016 წლის 30 ივნისამდე გაახანგრძლივებს.