ლუკა მოდრიჩმა დღევანდელი ვარჯიშის შემდეგ ინტერვიუ ჩაწერა. ხორვატი ფეხბურთელი ანჩელოტის დაბრუნებას შეეხო და სამომავლო გეგმებზე ისაუბრა...

„ძალიან ბედნიერი და მოტივირებული დავბრუნდი. ჩემთვის აქ ყოფნა და თანაგუნდელების ნახვა სასიამოვნოა. მწვანე მინდორზე გასვლა ყოველთვის მსიამოვნებს, ახლა ვარჯიშს შევუდექი და ვეცდები, რომ საუკეთესო კონდიციამდე მალე მივიდე.“

„კარლომ „ბლანკოსის“ მწვრთნელობის პირველ ეტაპზე დიდი წარმატებით იმუშავა და მჯერა, რომ მეორე ეტაპიც ძალიან საინტერესო და ტიტულებით დახუნძლული იქნება. მისტერს განსაკუთრებული ავტორიტეტი აქვს, მასთან მუშაობა ყოველთვის ყველას სიამოვნებს.“

„მიხარია, რომ ანჩელოტის „რეალის“ მწვრთნელის რანგში კიდევ ვხედავ.“