ესპანური გამოცემები ერთხმად იუწყებიან, რომ მადრიდის „რეალი“ შეტევაზე გადადის, თუმცა „ცეცხლის გახსნას“ აგვისტოს ბოლო კვირაში აპირებს...

კილიან მბაპემ პარიზში დაბრუნების შემდეგ პაურისიო პოჩეტინოსაც განუცხადა, რომ მის გეგმებში „პსჟ“-ში დარჩენა არ შედის. პარიზელთა დამრიგებელმა უკვე იცის, რომ მისი გუნდის უდავო ლიდერს წასვლა სურს.

მადრიდის „რეალმა“ „პსჟ“-ს ერთხელ უკვე მიმართა ოფიციალური წინადადებით და ამით საკუთარი პოზიცია დაჯაროდ დააფიქსირა.

ესპანური გამოცემების ცნობით, აგვისტოს დასაწყისიდან პერესი ქმედით ნაბიჯებს გაახშირებს და შეტევაზე გადავა, ხოლო აგვისტოს ბოლო კვირაში პარიზელებთან საბოლოო შეთანხმების მიღწევას შეეცდებ.

მადრიდში კარგად იციან, რომ მბაპეს კონტრაქტს მხოლოდ 1 წელი აქვს ვადა და ის ყოველგვარ განახლებაზე უარს აცხადებს, ეს „პსჟ“-ში პანიკას იწვევს, რომლით სარგებლობაც „მერენგებს“ სურთ.

საბოლოო გადაწყვეტილებას აგვისტოს ბოლო კვირაში უნდა ველოდოთ.