რაფაელ ვარანი მადრიდშია. ფრანგი ფეხბურთელი დღეს საწვრთნელ ბაზაზე იმყოფებოდა და კარლო ანჩელოტის შეხვდა. უკანახაზელმა სამედიცინო შემოწმებაც გაიარა...

არსებული ინფორმაციით, დაცვის ლიდერმა „ბლანკოსს“ შეატყობინა, რომ წასვლა სურს და მისი გადაწყვეტილება საბოლოოა.

ფრანგი ელოდება „რეალისა“ და მანჩესტერ „იუნაიტედის“ შეთანხმება. იმ შემთხვევაში, თუ ფლორენტინო პერესი მის გაყიდვაზე უარს იტყვის, ვარანი მზად არის პატივი სცეს არსებულ ხელშეკრულებას და „ბლანკოსში“ 2022 წლის ზაფხულამდე დარჩეს, თუმცა ის მომდევნო ზაფხულს თავისუფალი აგენტის სტატუსით დატოვებს კოლექტივს.

ახლა ჯერი „რეალზეა“. არ არის გამორიცხული, ტრანსფერი სულ მალე გაოფიციალურდეს.