ხორხე ვალდანომ ისაუბრა მადრიდის რეალის ახალი შენაძენის შესახებ.

"დი მარიას აქვს ყველა ის თვისება, რომელიც ესაჭიროება ფლანგზე მოთამაშე შემტევ ფეხბურთელს. აქვს კარგი დრიბლინგი, იხსნება კარგად და ბოლომდე იხარჯება. დარწმუნებული ვარ დიდ სამუშაოს შეასრულებს მადრიდის რეალისათვის."

"მან ჩვენი ყურადღება გასულ სეზონში დაიმსახურა და ველოდებოდით როდის შეუდგებოდა მოურინიო სამუშაოს, რადგან გვაინტერესებდა რას ფიქრობდა იგი ამ ფეხბურთელზე. როდესაც მისგან თანხმობა მივიღეთ დავიწყეთ ამ ტრანსფერზე მუშაობა."

"მოურინიო უკვე ორჯერ იყო მადრიდში. პირველად კლუბის ძირითად საკითხებს გაეცნო, ხოლო მეორეჯერ პერსონალური საკითხები მოაგვარა. ის ძალიან მშვიდია და იცის რა უნდა გააკეთოს."

"მე ყოველთვის მჯეროდა ესპანეთის ნაკრების. ევროპის ჩემპიონატზე მათ შესანიშნავი ფეხბურთი აჩვენეს. მართალია მუნდიალზე უფრო ცუდად გამოდიან, მაგრამ ეს იმას არ ნიშნავს, რომ ისინი ცუდად თამაშობენ. დარწმუნებული ვარ ისინი მოუმატებენ."