როგორც იცით დღეს გაიმართება ძალიან საინტერესო მატჩი ესპანეთსა და პორტუგალიას შორის. ამ შეხვედრაში მონაწილეობას მადრიდის "რეალის" შვიდი ფეხბურთელი მიიღებს. პორტუგალია: კრიშტიანო რონალდო და პეპე. ესპანეთი: კასილასი, რამოსი, ალბიოლი, არბელოა და ხაბი ალონსო. თუმცა სავარაუდოდ რაულ ალბიოლი ამ მატჩს ტრავმის გამო გამოტოვებს.

კეიპ ტაუნში "გრინ ფოინთ სტეიდიუმზე" გაიმართება პორტუგალიასა და ესპანეთს შორის დაპირისპირება. დელ ბოსკეს გუნდში დაბრუნდა ხაბი ალონსო, რომელმაც ჩილესთან მატჩში ტრავმა მიიღო. იგი მწყობრშია და მზადაა სათამაშოდ.

ყველაზე საინტერესო კი გულშემატკივრებისთვის ის არის, რომ რონალდოს რამოსის და კასილასის წინააღმდეგ თამაში მოუწევს. პორტუგალიის ნაკრებში გასულ კვირას პეპემ ტრავმის შემდეგ პირველი მატჩი ჩაატარა და სავარაუდოდ იგი დღესაც შეძლებს თამაშს.

შეგახსენებთ, რომ მატჩი თბილისის დროით 22:30 საათზე დაიწყება.