მარკო ასენსიომ სამომავლო გეგმებთან დაკავშირებით ისაუბრა.

„„რეალში“ ყოფნა მხოლოდ მოედანზე გასვლას და ფეხბურთის თამაშს არ ნიშნავს. აქ არის შესანიშნავი ადგილი, გარემო, ქალაქი და სამეგობრო წრე. მოკლედ რომ ვთქვათ ყველაფერი იმისათვის, რომ თავი ბედნიერად ვიგრძნო.“

„მსურს, შესაძლებლობები სრულფასოვნად გამოვავლინო და გუნდისთვის კიდევ უფრო სასარგებლო მოთამაშე გავხდე. საკუთარ ძალებში ნამდვილად დარწმუნებული ვარ.“

„ემოციები გულიდან მოდის. ბავშვობიდან მადრიდისტა ვიყავი და თეთრი მაისურის ჩაცმაზე ვოცნებობდი.“

„ოლიმპიური თამაშების დასრულების შემდეგ ანჩელოტის გუნდს შევუერთდები და მჯერა, რომ იტალიელთან ერთად დიდი წარმატებების მიღწევას შევძლებ.“