მადრიდის „რეალის“ ვებ-გვერდმა ოფიციალური განცხადება გაავრცელა.

„თეთრების“ საკალათბურთო გუნდში მატებაა. მომდევნო სეზონის განმავლობაში, კლუბის ღირსებას, მძიმე ფორვარდი, გერშონ იაბუსელე დაიცავს.

25 წლის მოთამაშე სიძლიერით, სიმარჯვითა და კარგი მაჯით გამოირჩევა. მას აქვს NBA-ში თამაშის გამოცდილება, სადაც „ბოსტონ სელტიკის“ ღირსებას იცავდა. განვლილი სეზონი კი Asvel Villeurbanne-ს შემადგენლობაში გაატარა, რომელთან ერთადაც საფრანგეთის ჩემპიონატი და თასი მოიგო. ევროლიგის მასშტაბით მისი მონაგარია (საშუალოდ) 11 ქულა და 4.2 მოხსნა.