მიუხედავად იმისა, რომ პოლ პოგბა საზაფხულო არდადაგებს ატარებს, მისი აგენტი აქტიურად არის ჩართული მსურველ კლუბებთან კომუნიკაციასა და მოლაპარაკბებში. Telefoot-ის ინფორმაციით, ფრანგი ნახევარმცველის მომავალი მომდევნო კვირაში გახდება ცნობილი...

პოლს მანჩესტერ „იუნაიტედიდან“ წასვლა აქვს განზრახული და არაერთი მსურველიც ჰყავს. ბოლო ეტაპზე მსურველთა სიაში „პსჟ“, ტურინის „იუვენტუსი“ და მადრიდის „რეალი“ იყვნენ.

ზემოაღნიშნულ წყაროზე დაყრდნობით, ფრანგ ფეხბურთელთან ყველაზე ახლოს „პსჟ“ გახლავთ, თუმცა თავად მოთამაშეს „რეალი“ სურს. ამასთანავე უნდა აღინიშნოს, რომ ფლორენტინო პერესი მასში დიდი თანხის გადახდას არ აპირებს და მოლაპარაკებების შეფერხებასაც სწორედ ეს უწყობს ხელს.

თუ პოგბა „პსჟ“-ს რიგებში გადავა, ჩვენ საფრანგეთის დედაქალაქში მართლაც მსოფლიო ნაკრებს ვიხილავთ. პოჩეტინოს გუნდს უკვე შეუერთდნენ აშრაფ ჰაკიმი, ვეინალდუმი და სერხიო რამოსი, ასევე იგეგმება ჯანლუიჯი დონარუმას შეთანხმების გაოფიციალურებაც. თუ ამ შემადგენლობას პოგბაც დაემატება, პარიზული გრანდის რესურსი მართლაც უსაზღვრო გახდება.