უკვე დადასტურებულად შეიძლება ითქვას, რომ კარიმ ბენზემასთან შეთანხმების შემდეგ, მადრიდის „რეალმა“ დანიელ კარვახალის აგენტთანაც დაასრულა მოლაპარაკებები...

ესპანელი ფეხბურთელი სამეფო კლუბთან კონტრაქტს 3 წლით გაახანგრძლივებს. მიმდინარე ხელშეკრულების მიხედვით, ესპანელი მარჯვენა მცველი გუნდში 2022 წლის 30 ივნისამდე უნდა დარჩენილიყო, თუმცა განახლების შემდეგ ის „მერენგების“ სადარაჯოზე მინიმუმ 2024 წლის 30 ივნისამდე იდგება.

რაც შეეხება ფინანსურ საკითხებს. არაოფიციალური ინფორმაციით, დანი 2022 წლის ზაფხულამდე კვლავ 10%-ით შემცირებულ ხელფასს მიიღებს, ხოლო შემდეგ ძველ ნიშნულს დაუბრუნდება.