მარკო ასენსიო ესპანეთის ოლიმპიურ ნაკრებთან ერთად შეკრებაზე იმყოფება. „რეალის“ შემტევი ნახევარმცველი ტოკიოში გასამგზავრებლად ემზადება, სადაც ქვეყნის ღირსებას დაიცავს.

„ოლიმპიურ თამაშებში მონაწილეობის მიღება ერთ-ერთი ცხოვრებისეული გამოცდილებაა. ნებისმიერ ადამიანს სურს აღნიშნულ ტურნირზე ასპარეზობა. საბედნიეროდ, თანაგუნდელებთან ერთად ამის შანსი მომეცა. ჩვენ წინ ვიყურებით.“

„თავს ძალიან კარგად ვგრძნობ და ვიმედოვნებ, მოვლენები გეგმის მიხედვით განვითარდება. ამისათვის თავდაუზოგავად ვმუშაობ. მომავალი მატჩები მეტად მნიშვნელოვანია, როგორც ნაკრებისთვის, ასევე ჩემთვის.“

„ბუნებრივია, ტრავმამ გამოიწვია ეჭვები და შიშები, ვინაიდან იმ მომენტამდე არასდროს მოვხვედრილვარ ლაზარეთში. შეიძლება ითქვას, დაზიანებამ გარკვეული ეფექტი მოახდინა ჩემზე. დიდი ძალისხმევის გაღებაა საჭირო, რომ ეს ყველაფერი დაძლიო. აღნიშნულ პერიოდში ბევრი პოზიტივი მივიღე, ვიდრე ნეგატივი. ძირითადათ ოჯახის წევრებთან ერთად ვატარებდი დროს და ჩემს თავშიც ბევრი სიახლე აღმოვაჩინე.“

„ბევრი რამს ვისწავლე და ახლა უკეთესად ვიცი ჩემი სხეული. მაქსიმუმი გავიღე, რათა საუკეთესო კონდიციებში დავბრუნებულიყავი. ვფიქრობ, ახლა ბოლომდე მზად ვარ.“

„დიახ, კარლო ანჩელოტისთან მქონდა მცირე, მაგრამ ნაყოფიერი საუბარი. დარწმუნებული ვარ, მისგან დიდი ცოდნის მიღება შემიძლია. იტალიელის მხრებზე უდიდესი გამოცდილებაა.“

„მსოფლიოს ჩემპიონატამდე დიდი დროა და ჯერ არაფრის თქმა არ შემიძლია, თუმცა მუნდიალზე ასპარეზობა განსხვავებული გრძნობაა. ეს ემოცია რუსეთში გამართულ ტურნირზე გავიზიარე. ვიმედოვნებ, ყატარშიც მომეცემა თავის გამოჩენის საშუალება.“

MARCA