როგორც Bild იუწყება, რაფაელ ვან დერ ვაარტის შეძენით ბრემენის ვერდერიც გახლავთ დაინტერესებული...

”მუსიკოსებმა” გუნდიდან გაუშვეს უდაო ლიდერი ბრაზილიელი დიეგო, ტომას შააფის გუნდს აშკარად ესაჭიროება გაძლიერება, გერმანელებს იდეალურ ვარიანტად ვაარტის შეძენა ესახებათ. თანხა, რომელსაც ბრემენელები გაიღებენ ჰოლანდიელი ნახევარმცველის სანაცვლოდ ჯერჯერობით გაურკვეველია.

მოგეხსენებათ ბუნდესლიგის გათამაშებამ უკვე აიღო სტარტი, სეზონის პირველივე მატჩი ბრემენმა წააგო, ამან კი ხელმძღვანელობა უფრო დაარწმუნა იმაში, რომ ნახევარდაცვა საჭიროებს გაძლიერებას, თავის მხრივ არც რაფაელია გერმანიაში გადასვლის წინაამღდეგი რადგან მანდ ჰამბურგში თამაშის დროს ბუნდესლიგას ალღო აუღო და ჩემპიონატის ერთ-ერთ საუკეთესო ფეხბურთელადაც იქცა. ვერდერში გადასვლით ნახევარმცველს საშუალება ექნება ძირითადში თამაშის, ეს კი მას ჰოლანდიის ნაკრებში ადგილს მყარად დააკავებინებს.