ტონი კროოსს მადრიდის „რეალთან“ კონტრაქტი 2023 წლის 30 ივნისამდე აკავშირებს. ვრცელდება ინფორმაცია, რომლის მიხედვითაც, გერმანელი ფეხბურთელი სწორედ ამ დროს აპირებს კარიერის დასრულებას, მაგრამ დასანანია, რომ იმ დროს მსოფლიო დონის ვარსკვლავი მხოლოდ 33 წლის იქნება...

ვრცელდება ინფორმაცია, რომლის მიხედვითაც, მადრიდული გრანდი მომდევნო წლის ზაფხულში კროოსს ახალ კონტრაქტს შესთავაზებს, რომელიც ფეხბურთელის სამეფო კლუბში დარჩენას 2024 წლის 30 ივნისამდე გაითვალისწინებს.

ტონის სურვილი კარიერის „რეალში“ დასრულებაა, მადრიდული გუნდი კი მიიჩნევს, რომ გერმანელის გადაწყვეტილება კარიერის 2023 წელს დასრულებასთან დაკავშირებით მართებული არ არის.

„მერენგები“ ეცდებიან, რომ ტონისთან თანამშრომლობა მინიმუმ 2024 წლის ზაფხულამდე გაახანგრძლივონ.