სამეფო კლუბის აკადემიის ფეხბურთელებზე ნამდვილი ნადირობაა გამოცხადებული.

განვლილ სეზონში ზინედინ ზიდანმა არაერთ ახალგაზრდა მოთამაშეს მისცა თავის გამოჩენის საშუალება და სასიხარულოა, რომ თითქმის ყველამ კარგი შთაბეჭდილება დატოვა. შესაბამისად, ესპანური და ევროპული კლუბები მათი შესაძლებლობებით არიან დაინტერესებული.

მიგელ გუტიერესის, ანტონიო ბლანკოს, სერხიო არიბასის, მარვინ პარკის, მარიო ხილასა და ვიქტორ ჩუსტისთან დაკავშირებით, ამ მომენტისათვის, „სანტიაგო ბერნაბეუზე“ 70 შეთავაზებაა შესული - იუწყება გაზეთი ABC.

აღსანიშნავია, რომ ყველაზე მოთხოვნადი მოთამაშეები მარცხენა მცველი გუტიერესი და საყრდენი ნახევარმცველი ბლანკო არიან. მიგელის წაყვანის სურვილს 16 კლუბი გამოთქვამს, მათ შორის არიან „ხეტაფე“ და „არსენალი,“ ხოლო ანტონიოს შესაძლებლობებით 14 გუნდია მოხიბლული, „ლევანტესა“ და „ხეტაფეს“ ჩათვლით.

როგორც ცნობილია, კასტილიელთა თითქმის აბსოლუტურ უმრავლესობა, რაულს დაქვემდებარებაში დარჩენასა და პირველ შემადგენლობაში დაწინაურებას ამჯობინებს, ადგილსამყოფელის შეცვლას, თუმცა არ არის გამორიცხული, რომ სათამაშო პრაქტიკის ამაღლების იდეით, „რეალმა“ რამდენიმე მათგანი გაანათხოვროს.

DC