დღეს, სამეფო კლუბის ფეხბურთელებმა, წინასასეზონო მომზადების პერიოდის დაწყებამდე, სამედიცინო შემოწმება გაიარეს.

გავრცელებული ინფორმაციით, გუნდის სამწვრთნელო შტაბი აღფრთოვანებულია ბრაზიელი მცველის ფიზიკური კონდიციებით. როგორც ჩანს, მარსელომ არდადეგები ნაყოფიერად გამოიყენა და დიდი ძალისხმევა გაიღო, რათა მადრიდში სათანადო ფორმაში დაბრუნებულიყო. მოთამაშე სრულად დაემშვიდობა ზედმეტ კილოგრამებს და ამასთანავე, გაიძლიერა მისთვის ყველაზე სუსტი კუნთები.

მარსელო ახალი სეზონიდან გუნდის კაპიტანი იქნება. მას კონტრაქტის მიხედვით მხოლოდ 1 წელი დარჩა „რეალის“ რიგებში. ის დანებებს არ აპირებს და თავდაუზოგავად იბრძოლებს სათამაშო წუთებისათვის.

BD