კილიან მბაპეს მომავალი მიმდინარე ზაფხულის სატრანსფერო ფანჯრის ერთ-ერთი აქტუალური თემა იქნება.

ახალაგზრდა ფეხბურთელს გაისად ეწურება მოქმედი კონტრაქტი პარიზულ გრანდთან. როგორც გამოცემები იუწყებიან, ევროპის ჩემპიონატზე ასპარეზობის დასრულებისთანავე, შემტევმა მოთამაშემ კლუბს შეატყობინა, რომ ხელშეკრულების განახლებას არ აპირებდა. აქედან გამომდინარე, გუნდის არაბი მესვეური საგონებელშია ჩავარდნილი. ის მაქსიმალურად ეცდება კილიანის გადარწმუნებას და ამისათვის სუპერ შეთევაზებებსაც არ დაიშურებს.

აღნიშნული ინფორმაციის შემდეგ, ევროპულმა ბუქმეიქერულმა ორგანიზაციებმა უკვე დაიწყეს ფსონების მიღება მბაპეს მომავალ ადგილსამყოფელთან დაკავშირებით. რა თქმა უნდა, კოეფიციენტების მიხედვით, ფავორიტის სტატუსით „რეალი“ სარგებლობს. იმას, რომ მსოფლიოს ჩემპიონი კარიერას ესპანეთის დედაქალაქში გააგრძელებს, 1.65 აქვს მინიჭებული. მადრიდელების შემდეგ „ლივერპული“ (7,00), „ბარსელონა“ (15,00), „ბაიერნი“ (26,00) და „ჩელსი“ (34,00) მოდიან.

MARCA