კარლო ანჩელოტის მეორე ერა მადრიდის „რეალში“ ხვალიდან იწყება.

ოფიციალურად გახდა ცნობილი, რომ ხვალ დილით „ბლანკოსის“ ფეხბურთელთა ნაწილი საწვრთნელ ბაზაზე გამოცხადდება და სამედიცინო შემოწმებას გაივლის.

ასევე უკვე ცნობილია, რომ იტალიელი სპეციალისტი პირველ ვარჯიშს ესპანეთის დროით 18:00 საათზე გამართავს.

სამეფო კლუბის ფეხბურთელები გუნდს ეტაპობრივად შემოუერთდებიან, ივლისის ბოლოს და აგვისტოს დასაწყისში კი კოლექტივის სრულფასოვან ვერსიას ვიხილავთ.