რაულ ალბიოლს შეგვიძლია ესპანეთის ნაკრების თილისმა ვუწოდოთ, ვინაიდან მან ეროვნულ ნაკრებში 16 მატჩი ჩაატარა და აქედან არც ერთი არ წაუგია, მეტსაც გეტყვით ყველა მატჩი ევროპის ჩემპიონმა მოგებით დაასრულა.

დებიუტი

ალბიოლის დებიუტი 2007 წლის 13 ოქტომბერს შედგა, სადაც ესპანეთის ნაკრები დანიის ეროვნულ გუნდს დაუპირისპირდა. წითლებმა 3:1 მოიგეს, ამ მატჩში თავი გამოიჩინა სამეფო კლუბის წარმომადგენელმა სერხიო რამოსმა.

Euro 2008

ესპანეთის ნაკრებმა გასული ევროპის ჩემპიონატი ტრიუმფით დაასრულა, რაულის დებიუტი ევროპის ჩემპიონატზე სწორედ 2008 წელს შედგა, შვედეთთან მატჩში მან კარლეს პუიოლი შეცვალა. მატჩი 2:1 დასრულდა ესპანეთის სასარგებლოდ. ალბიოლმა კიდევ ერთხელ მიიღო მონაწილეობა ევროპის ჩემპიონატზე საბერძნეთის წინააღმდეგ მატჩში სადაც წითლებმა კვლავ 2:1 სძლიეს მეტოქეს.

კონფედერაციის თასი

კონფედერაციის თასზე ალბიოლმა 3 მატჩში მიიღო მონაწილეობა. სამჯერვე მისი ნაკრები მსაჯის საფინალო სასტვენის შემდეგ გამარჯვებული აღმოჩნდა.

ინფორმაციის წყარო: RealMadrid.Com