მადრიდის „რეალი“ სულ მალე პრე-სეზონს იწყებს. მართალია კარლო ანჩელოტის განკარგულებაში პირველ ეტაპზე განახევრებული გუნდი იქნება, მაგრამ სამწვრთნელო შტაბი სრული დატვირთვით იწყებს მუშაობას...

ფიზ.მომზადების ახალი მწვრთნელი, ანტონიო პინტუსი რამდენიმე ფეხბურთელის წონით უკმაყოფილოა და სპეციალურ პროგრამას აყალიბებს.

უკვე ცნობილია, რომ პინტუსის ხელში ედენ აზარს სერიოზული მუშაობა მოუწევს. კილოგრამების კონტროლი მარსელო ვიერასაც დაევალება. ანტონიოს სურს, რომ სეზონის სტარტზე გუნდის კაპიტანი 4 კილოგრამით ნაკლები იყოს.

ფიზ.მომზადების სპეციალისტის აზრით, მარსელოს ჯერ კიდევ შეუძლია სისწრაფეების განვითარება და მისი პრობლემები, რომელმაც თავი გასულ სეზონში იჩინა წონას უკავშირდებოდა.